又要搬家？

媽咪話我日漸成長，變化也愈來愈多，於是決定"搬屋"，希望更有條理同系統寫blog，各位朋友，如想了解我13個月後既生活，歡迎到下列網誌繼續觀賞。
http://hk.myblog.yahoo.com/yolanda-513

不愁寂寞

爹地又唔响香港，媽咪驚我悶（其實自己都好悶），所以帶我去遊樂場玩。呢個地方我好鍾意，因為唔怕晒，又好風，ｄ設施又多，地方又大，而且仲有洗手盤洗手，所以我成日都黎玩架。今日仲學識疊起６個Blocks，媽咪教我最高0個d要企响身先疊到架。爹地，你冇見我一日，我又叻左少少喇！

波波池學樂理

暑假期間相約４位姊妹去Ms. Luk屋企唱歌學樂理。雖然上堂地方唔大，但係老師都好用心用不同既遊戲同道具黎吸引我地。當然最有反應就係已經歲半既芷翹啦！不過有機會見班好朋友，又有機會學音樂，逼ｄ都唔緊要啦！你睇連我隔離9個月大既光頭妹都好專心架！

海洋公園見真情

(圖一)金花...四朶金唔花...

(圖二)鹿哥哥，借對角同隻手用下先，當然唔少得後面既神秘uncle"頂"力支持我地啦！

(圖三)Ｑ版芷翹

(圖四)芷翹：柔柔，你望住鏡頭影張靚相啦！

柔柔：咪啦！我唔夠瞓，好憔悴呀！

(圖五－八)Hannah：Hi！柔柔，我地握握手，做個好朋友呀!

Hannah：柔柔，你條裙咁靚，摸下得唔得呀！

Hannah媽手指指：喂！Hannah，你做咩呀？冇禮貌！

Hannah：嘻嘻！冇！我見柔柔姐姐條裙咁靚，有少少妒忌啫！

海洋公園遊學團

今日係大暑，緊係要外出感受下有幾熱啦！於是約左４個姊妹去Ocean Park欣賞海洋動物既表演，當然唔少得要探下佳佳、樂樂同盈盈啦！幸好天氣不算太熱，不太侷促，而且有點風，不過我地都標晒汗，冇咩胃口，得閒都會發下脾氣。但係有得玩，又有好多動物睇，周公急call都冇覆佢呀！

奸計得逞

婧柔：Daddy我請你食包包呀！好唔好食呀！

Daddy：乖喇！有咩事請求呀？

婧柔：冇，我見今日係Jenny姨既生日，不如我地買個琴仔送俾未出世既表妹呀！暫時放响我地屋企玩陣先，遲ｄ輪到佢玩啦！

（回家後）婧柔：do do re do fa mi...Jenny姨同表妹，好唔好聽呀？我祝你地身體健康，快高長大，等你出世同我玩。

馬記07及08 BB重聚

自從半年前見過一班馬記老友後，好難得7月份既某個星期三我哋可以重聚,點解我哋既爸爸媽媽都能响平日抽空帶我地去玩，大家估下佢哋都係做邊行啦！今次多左個新成員，佢個名好好聽，叫臻善，雖然佢好有份量，但係身手敏捷，好細個就識得轉身喇！另外大眼仔天朗就愈大愈俊朗；而文質彬彬既清揚就好有媽咪既風範；Webber同Samantha就較以前窈窕同斯文；而我呢！就恃住自己地頭，公然大蝦細，碌地扭計，真係失禮客人喇！